دښمن د مقاومت محاذ ته د زيان رسولو په لټه کښې دے

د ايران د اسلامي جمهوريت د وسله والو ځواکونو د لوے درستيزوالۍ د کلتوري او دفاعي تبليغاتو مرستيال وويل: دښمن اسلامي انقلاب او د مقاومت محاذ ته د زيان رسولو کوشش کوي.

د فوځي د عمومي تعلقاتو د دفتر د رپوټ له مخې جنرل ابوالفضل شکارچي د دې په بيانولو سره چې اسلامي انقلاب يو ترټولو لوے الهي نعمت دے وويل: د ايران په خلاف اقتصادي بنديزونه او د فوځي او دفاعي وسائلو د پوره کېدو بنديزونه رامنځته کړې شوي دي او دښمنان د اسلامي انقلاب د مقدس نظام د راپرزولو لپاره يوځاے شوي دي.

هغه زياته کړه که نن د ايران اسلامي جمهوري مقدس نظام په سيمه او نړۍ کښې سرلوړۍ، عزت او وياړ ته رسېدلے دے د شهيدانو د وينې او د اسلامي انقلاب د معظم رهبر د هوشمندانه رهبرۍ په برکت دي.