د فلسطیني ملت ایډیال په ملاتړ د ایران ټینګار
ویل شوی دی چی ایران ، د یوکرین کړکیچ او له صیهونیسټ رژیم سره د عربی هیوادونو د اړیکو د عادی کولو موضوع د دغې غونډې چورلیزونه وو .
د ایران داسلامی جمهوریت د خارجه وزارت ویندوي سعید خطیب په نیواکي فلسطین کې د شرارت غونډې ترسره کیدا چې د امریکا خارجه وزیر بلیکن په شتون کې د صهیونیسټي رژيم او د مصر ، اماراتو، بحرین او مراکش خارجه وزیرانو شتون درلود، محکومه کړې او دا ئې د فلسطین د آ زادۍ له ایډیال سره خیانت وبالۀ
دایران د اسلامی جمهوریت دخارجه وزارت ویندوی په نیواکي فلسطین کې د قدس شریف له غاصبانو او ظالمانو سره د دفلسطین له آئيډیا سره د خائنانو د غونډې ترسره کیدا ته په اشارې سره ټينګار وکړ ، د قدس له نیواکګرو او ترهه ګرو صهیونیسټانو سره داړیکو په عادي کیدا او ټينګیدا کې هرډول اقدام ، د فلسطین دمظلوم ملت پر شا د خنجر ګوزار او دفلسطین د مظلومو خلکو د وژلو او د فلسطین د ټاټوبي د نیواک په دوام کې داسرائيلو ماشوم وژونکي رژيم ته ډالۍ ده . سعید خطیب زاده روښانه کړه ، تاریخي تجروبې ښودلې ده چې د سازباز او تسلیمیدا بهیر د دوي د ملاتړو له ذلالت او ناکامۍ پرته بله هیڅ نتیجه نه ده درلودلې او د فلسطین ټاټوبی به د فلسطین د ملت له مقاومت او د اسلامی حکومتونو او ملتونو له ملاتړ پرته آزاد نه شي .
ویل شوی دی چی ایران ، د یوکرین کړکیچ او له صیهونیسټ رژیم سره د عربی هیوادونو د اړیکو د عادی کولو موضوع د دغې غونډې چورلیزونه وو .
له هغو ګواښونو سره سره چی عربان یې د فلسطین د ملت د ایډیالونو په وړاندې لري ، اماراتو ، بحرین ، سوډان او مراکش د ۲۰۲۰ کال له ستمبر تر دسمبره له صیهونیست رژیم سره اړیکي عادی کړې .
صیهونیست رژیم هڅه کوی نوموړی غونډه په خپل ګومان په سیمه کې د دغه رزیم د اجماع جوړولو او ساز باز په بهیر کې تاریخی اقدام ونوموی ، خوهغه شرایط چی تل ابیب او ملاتړي یې اوس لري ، د دغې ادعا اپوټه ښی ، صیهونیسټ رژیم که څه هم د امنیت شورا د دایمي غړیو په شمول د نړۍ د ډیرو هیوادونو لخوا په رسمیت پیژندل شوی دې خو په سیمه ایزه سویه په دې دلیل چی د سیمې زیاتره هیوادونو د دغه رژیم موجودیت او په نیواکی ټاټوبیو د هغه حاکمیت حق په رسمیت ندې پیژندلې ، د روا والی له بحران سره مخامخ دې .
په افریقایی اتحادیه کې د صیهونیسټ رژیم د غیردایمی غړیتوب د غوښتنې ردیدا ، په دغه رژیم د سیمې او نړۍ د مسلمانو ملتونو د اعتراضونو زیاتیدااو د فلسطینی ځوانانو د مقاومت پراختیا او د عادی کولو غندنه هغه بیلګې دي چی نه روا والې او همداراز د صیهونیست رژیم د زیاتې انزوا ښودنه کوی .
دا په داسې حال کی دي چی اماراتی او بحرنی چارواکی هڅه کوی له صیهونیست رژیم سره د اړیکو عادی کول د دغو هیوادونو لپاره د اقتصادی ګټو لرونکي وبولي ، خو دهغو عربی لومړنیو هیوادونو په توګه د مصر او اردن تجروبه چی له تل ابیب سره یې د خپلو اړیکو عادی کولو اقدام کړې دې ، د دغو تبلیغاتو په اپوټه نتیجه ښی ، په دې ډول چی د کارپیژاندو په باور دغه دواړه هیوادونه له اسراییلو او امریکا سره د صادراتی موافقې او ګازی تړونونو په دلیل د کلنګ غوښتنې او اقتصادی تاوانونو په خطر کې راغلي دي .
څرګنده ده چی صیهونیست رژیم په نیواکګرۍ کې اوږدې مخنیې اوفلسطینی ملت پرضد انساني ضد رویوته په پام سره هیڅکله په هغو سوله ایزو اړیکو چی د سیمې د مسلمانو ملتونو د ګټو تضمینونکی وی ، ندې او په سیمه کې له انزوا د وتلو ، د اسلامي ټولنو د کمزورتیا او همداراز د نیواکګري او پراختیا غوښتنې په دوام پسې دې . امریکا هم د دغه ډول غونډو په ترسره کولو سره هڅه کوی په سیمه کې خپلو متحدو هیوادونو ته ډاډ ورکړي حتی د ایټمی موضوع په اړه له ایران سره له احتمالی موافقې وروسته هم د دغو هیوادونو ملاتړ ته دوام ورکړي .
