د عمان خارجه وزیر نن تهران ته راځي

ایران پریس خبري اژانس وايي ځینو عربو سرچینو خبر ورکړ چې د عمان خارجه وزیر نن ایران ته راځي .

د ایران د بهرنیو چارو د وزارت ویاند  سعید خطیب زاده پرون وویل د ایران د ډالرو د سرچینو یوه برخه د روانې اونۍ تر اخره پورې ازادیږي او په همدې ارتباط د عمان یو لوړتبه چارواکی ایران ته راځي .

العربي الجدید اینټرنیټ پاڼې راپور ورکړی د عمان خارجه وزیر بدر بن حمد البوسعیدي نن د یوه پلاوي په مشرۍ ایران ته راځي .

ځینو رسنیو ویلي دي چې د عمان د خارجه وزیر دغه سفر د ایران د بلوکه شویو شتمنیو د یوې برخې له ازادیدا سره اړونده دی .

راپورنه وايي احتمال شته چې اوه (۷)میلیارډه ډالر د عمان په مرکزي بانک کښې د ایران د مرکزي بانک په اکاونټ کښې واچول شي .