د تهران او ایروان دوامداره صلاح مشورې د دوستانه اړیکو نښه ده
د ایران د اسلامي جمهوریت ولسمشر د تهران او ایروان ترمینځ پرله پسې صلاح مشورې د ایران او ارمنستان د اړیکو د اهمیت او ژورتیا نښه وبلله
ولسمشر سید ابراهیم رئیسي بیګا د آرمینیا له وزیراعظم نیکول پاشینیان سره په ټیلیفوني خبرو کښې وویل: ایران، ارمنستان خپلو دوست او نزدې هیواد ګڼي او له دغه هیواد ګاونډیتوب ته اهمیت ورکوي.
رئیسي د ایران د اسلامي جمهوریت اصولي سیاست د ټولو هیوادونو د ځمکنۍ بشپړتیا او د حاکمیت له حق څخه ملاتړ وباله او زیات یې کړه: د نړیوالو سرحدونو په شمول د سیمو د جیوپالیټک ساتنه، د هیوادونو د ملي واکمنۍ احترام او د سیمې ترمینځ د ارتباطي بیخ بیناؤ پیاوړتیا د ایران د تاکید او توجه وړ دي.
هغه له ایروان سره د انرجۍ او ټرانسپورټ په برخو کښې د دوه اړخیزو او څو اړخیزو ملګرتیاؤ له پراختیا څخه د تهران د ملاتړ په څرګندولو سره وویل: د ملګرتیاؤ پراختیا په سیمه کښې د صلحې او ثبات د پياوړتیا او د اقتصادي او سوداګري رونق سبب کیږي.
په دغو خبرواترو کښې د آرمینیا وزیراعظم نیکول پاشینیان هم د سیمې په بدلونو کښې د ایران د اسلامي جمهوریت له اصولي دریځونو په قدرونې سره له دې هیواد سره د اقتصادي، تجارتي، سیاسي او کلتوري ملګرتیاؤ او تعاملاتو د پراختیا غوښتنه وکړه.
