د ایران پرضد پریکړه لیک لیونتوب و
زمونږ خبریال وايي په ویانا کښې په نړیوالو ادارو کښې د روسیې دائمي استازي میخائیل اولیانوف د اټومي انرژۍ د نړیوال اژانس په واکمنې شورا کښې د ایران پرضد د امریکا او د دریو اروپايي هیوادونو بریتانیا ، فرانسې او جرمني پریکړه لیک له لیونتوب څخه ډک وباله.
هغه وویل تاسو ته اوس پته ولګیدله چې روسیې ولې د ایران په هکله د اټومي انرژۍ د نړیوال اژانس په واکمنې شورا کښې د لویدیځو هیوادونو له لیونتوب څخه ډک پریکړه لیک ته منفي رایه ورکړه؟
وویل له بده مرغه زمونږ لویدیځو همڅنګو وښودله د هغه موقعیت چې مونږ پکښې یوو مناسب درک نلري.
د ایران اسلامي جمهوریت تراوسه له اټومي انرژۍ نړیوال اژانس سره پراخې ملګرتیاوې کړي دي؛ خو اټومي اژانس نه یوازې د دغو ملګرتیاو قدرونه نه ده کړي بلکې هغه یې یو ډول د ایران وظیفه او دنده بللي ده؛په همدې دلیل ایران فیصله وکړه د واکمنې شورا له پریکړه لیک وروسته د اټومي اژانس د فلومیټر او د اولیم(olem)د بډایه کولو د سویې د اندازې د معلومولو فعالیتونه غوڅ کړي.
د ایران اسلامي جمهوریت خارجه وزارت هم په یوې بیانیې کښې وویل د اټومي انرژۍ د نړیوال اژانس د غیر رغنده کړچار او د ایران پرضد د پریکړه لیک د تصویبیدا په وجه یې متقابل عملي ګامونه غوره کړي دي او د پرمختللیو سانټري فیوژونو نصبول او له سیف ګارډ څخه ورهاخو د کیمرو غیر فعالول په دغو اقداماتو کښې شامل دي.
