د ایران ولسمشر:
پاکستان سره د اړیکو په پیاوړي کېدو باندې محدودیت نشته
د ایران د اسلامي جمهوریت ولسمشر تاکید وکړ چي پاکستان سره د اړیکو د پراختیا لپاره ایران کوم محدودیت نه لري.
د ایران ولسمشر سید ابراهیم رئیسي تېره شپه د پاکستان د لومړي وزیر شهباز شریف د تماس په ځواب کې د پاکستان خلګ ته د اختر د مبارکۍ په ویلو سره، یادونه وکړه چي ایران پاکستان سره خپلې اړيکې خورا مهم ګڼي.
رئیسي د دې په بیانولو چي د تهران ـ اسلام آباد تر مینځ سوداګری د دواړو هیوادونو له زیات ظرفیت سره سمون نه خوري ، وویل: د دواړو هیوادونو د ګډ اقتصادي کمیسیون دوامداره او منظمي غونډې کولایشي د اقتصادي اړیکو د پراختیا لپاره زمینه برابره کړي.
د پآکستان لومړی وزیر هم د ایران حکومت، ولس او د اسلامي انقلاب معظم رهبر ته د اختر د مبارکۍ په ویلو سره، د دې هیواد د ځنګلو د اور په وژلو کې د ایران له مرستو څخه قدرونه وکړه او ایران سره د پاکستان اړیکې تاریخي او دوستانه وبللې.
شهباز شریف همدارنګه تاکید وکړ چي هیواد یې په افغانستان کې د سولي او د افغان کډوالو د راستنېدو غوښتونکی دی.
