ایران په سیمه کښې پیاوړی دفاعي قدرت لري
ایرنا خبري اژانس وايي د امریکا نیوزویک اوونیزې په یوې شننې کښې ولیکل د ایران اسلامي جمهوریت اټومي وسلو ته له ضرورت لرلو پرته همدا اوس په سیمه کښې له کافي دفاعي قدرت څخه برخمن دی.
نیوزویک اوونیزې په یوې شننې کښې چې د دفاعي مسائیلو کارپیژاند ډنیل ار دیپټرس لیکلي ده ولیکل «ټول انتخابونه په میز پراته دي» ټکی خاص معنا لري چې پوځي اقدام یو احتمال دی.
دا داسی ټکی دی چې د امریکا اکثره ولسمشران یې یوه سیال یا دوښمن هیواد ته د پیاوړي پیغام د استولو لپاره لپاره کاروي.
په دغه شننې کښې ویل شوي دي په دنیا کښې یوازی ایران هیواد دی چې د امریکا ولسمشرانو په ځلونو د هغه پرضد دغه ټکی کارولی دی.
د امریکا د نیوزویک اوونیزې لیکوال او شناند ډنیل ار ډیپټرس د پوځي اقدام د نه ترسره کولو د دلایلو په هکله لیکي، پوهیږو چې ایران د پوځي اقدام غچ اخلي ځکه چې مخکې یې هم غچ اخیستی دی، او ایران د سپاه پاسداران د قدس ځواک د قومندان ډګر جنرال قاسم سلیماني ټرور ته په ځواب کښې د عراق په عین الاسد سیمه کښې د امریکا د عسکرو په دوو اډو باندې په لسګونو توغندي ورویشتلي وو.
هغه وویل که چیرې ایران د خپل یوه جنرال ټرور ته دا ډول ځواب ورکوي نو تصور وکړئ د خپل د اټومي پروګرام د تباه کیدا په وړاندې به کوم ډول ځواب ورکړي.
