د ډانمارک سفیر د ایران خارجه وزارت ته احضار کړی شو
ایرنا خبري اژانس وايي په ډانمارک کښې د ایران د اسلامي جمهوریت په سفارت باندې په چاقو سره د یوه وسله وال یرغلګر له حملې وروسته په تهران کښې د ډانمارک سفیر د ایران خارجه وزارت ته احضار کړی شو.
په ګوپن هیګن کښې د ایران د اسلامي جمهوریت په سفارت باندې په چاقو سره د یوه وسله وال یرغلګر له پرون ورځې حملې وروسته چې د ایران سفیر ته یې ګواښ کاوه د سفارت یو ځايي کارکونکی ژوبل شوی او د سفارت ګاډو ته تاوان هم رسیدلی دی د ایران د خارجه وزارت د لویدیځې اروپا د چارو مرستیال لخوا د ډانمارک سفیر احضار کړی شو.
په دغه کتنې کښې د ډانمارک سفیر ته د ایران د ډيپلوماټانو او د سفارت د امنیت د نه تامینولو په هکله د ایران رسمي اعتراض اعلان شو.
د ډانمارک سفیر په ځواب کښې د رامینځته شوي پیښې په هکله د بښنې په غوښتلو سره ټینګار وکړ له دغه پیښې وروسته امنیتي تدبیرونه پیاوړي شوي او هغه به دوام ولري او زه به د ایران اعتراض زر د خپل هیواد چارواکو ته ورسوم.