ایران اوروسیه د افغانستان د کړکیچ ختمولو ته هوډمن دي
کاظمی قمی نن په خپل ټویټر کې ولیکل: په تهران کې د روسیې له سفیر سره په کتنه کې، د ترهګرۍ او د هغې د ملاتړو په ګډون د همکاریو او ګډو اندیښنو په اړه بحث او د نظر تبادله وشوه.
د افغانستان په چارو کې د ایران د اسلامي جمهوریت د ولسمشر ځانګړي استازي حسن کاظمي قمی نن په خپل ټویټر کې لیکلي چې ایران او روسیه د افغانستان د کړکیچ د پای ته رسولو لپاره ګډ هوډ لري.
ایرنا خبری اژانس وایی کاظمی قمی نن په خپل ټویټر کې ولیکل: په تهران کې د روسیې له سفیر سره په کتنه کې، د ترهګرۍ او د هغې د ملاتړو په ګډون د همکاریو او ګډو اندیښنو په اړه بحث او د نظر تبادله وشوه.
هغه څرګنده کړه: بې ثباته کوونکي غورځنګ هڅه کوي چې د داعش په شمول داوزارونو په کارولو سره په افغانستان کې بحران ته دوام ورکړي.
د افغانستان لپاره د ایران د اسلامي جمهوریت د ولسمشر ځانګړي استازي هم پاکستان ته د خپل وروستي سفر په ترڅ کې ویلي، چې د افغانستان امنیت او ثبات د سیمې د هېوادونو د امنیت په معنی دی، خو امریکا او د هغه ځینې ملګري دولتونه یې د افغانستان په ناامنۍکې لاس لري.
