د مونیخ کنفرانس اعتبار ته لوی ګوزار ورکړل شو
د ايران د بهرنيو چارو وزارت وياند د مونيخ پر امنيتي کنفرانس نيوکه وکړه او وې ويل: تنظيموونکو په خپلو اقداماتو سره د دغه امنيتي کنفرانس اعتبار ته ستره ضربه رسولې ده.
د ایران د بهرنیو چارو وزارت ویاند "ناصر کنعاني چافي" د دوشنبې په ورځ له خبریالانو سره په اوونیزه خبري غونډه کې زیاته کړه، د امنیت په نوم جوړ شوی کنفرانس چې رامنځته شوی دی، باید د نړیوالې ټولنې ټولو غړو ته یو شان فرصت ورکړي چې د نړیوال امنیت او نړیوال نظم او هغه میکانیزمونو په اړه چې په دې برخه کې د ثبات او امنیت په ټینګښت او پیاوړتیا کې مرسته کوي د فرصتونو په اړه خپل نظرونه او ارزونې څرګندې کړي.
کنعاني چافي په دې په ټینګار سره چې د ایران اسلامي جمهوریت د سیمه ایز امنیت په ژورولو او ټینګولو کې ترټولو مهم هېواد دی او د نړیوال امنیت په ټینګولو کې یو له اغیزمنو او مرسته کوونکو هېوادونو څخه دی، زیاته کړه دا چې دغه کنفرانس د امنیتي کنفرانس په نوم رامنځته شي او ټاکونکو هېوادونو لکه د ایران اسلامي جمهوریت او د روسیې په شان یو مهم هېواد ته بلنه ورنکړي، په دې معنا ده چې هغوی د نړیوال نظم او امنیت په هکله د مختلفو نظریو او څو اړخیزو نظریاتو د وړاندې کولو فرصت په لاس کې نیولی دی چې دا په نړيوال ډګر کې د يو اړخيزتوب د پياوړتيا په لټه کې دي.
