د ایران د ملي امنیت د لوړې شورا مشر عراق ته لاړ

نور نیوز راپور راکړی د ایران د ملي امنیت د لوړې شورا مشر علي شمخاني د ګاونډیتوب د ډيپلوماسۍ د سټراټیژۍ د تعقیبولو په دوام کښې د عراق پلازمینې بغداد ته لاړ.

عراق ته د ایران د ملي امنیت د لوړې شورا د مشر او د اسلامي انقلاب د ستر لارښود د استازي امیر البحر علي شمخاني د سفر په پاې کښې به د ګډو امنیتي ملګرتیاو سند چې څو میاشتې مخکې د هغه د برابریدا په هکله خبرې او د نظر تبادله شوي ده هم د دواړو هیوادونو د لوړ رتبه چارواکو لخوا لاسلیک شي.

عراق ته د علي شمخاني سفر د دغه هیواد د ملي امنیت د سلاکار قاسم الاعرجي په بلنه ترسره کیږي او د دغه سفر په بهیر کښې به د ایران د ملي امنیت د لوړې شورا مشر د عراق د حکومت له لوړرتبه سیاسي او اقتصادي چارواکو سره کتنې او خبرې وکړي.