ایران او افغانستان د جي پینځه غونډې په هکله ډاډ څرګند کړ
ایران پریس خبري اژانس راپور راکړی د ایران او د افغانستان د روغتیا وزیرانو د جي پینځه ډلې غونډې د ترسره کیدا په بهیر خوښي څرګنده کړه.
د جي پینځه ډلې د هیوادونو د کارپيژاندو شپږویشتمه غونډه د پینځو ورځو لپاره په تهران کښې وشوه او د ګډون کونکو هیوادونو استازیو د سلامتیا په برخه کښې د سیمې د تر ټولو مهمو مسائیلو په هکله د نظر تبادله وکړه.
په جي پینځه ډلې کښې ایران ، افغانستان ، پاکستان ، عراق او تاجیکستان شامل دي.
د ایران د اسلامي جمهوریت د روغتیا وزیر بهرام عین اللهي د تهران په استقلال هوټل کښې د جي پینځه ډلې د لوړرتبه کارپيژاندو د شپږویشتمې غونډې د پاې په دستورو کښې وویل د جي پینځه ډلې غونډه به په سیمه کښې د سلامتیا د حوزې ډیر مشکلات ختم کړي.
هغه وویل په دغه غونډې کښې د نظر وړ هدفونو ته ورسیدو او زیاته یې کړه په نږدې راتلونکي کښې به د جي پینځه ډلې غونډه په سیمه کښې د سلامتیا په ترټولو لوړ تشکل بدله شي.
د طالبانو د موقته حکومت د روغتیا وزارت سرپرست قلندر عباد هم خبریالانو ته وویل د جي پینځه ډلې په غونډې کښې مو ښې بریاوې درلودلې.
هغه وویل په افغانستان کښې د بیلابیلو ناروغیو د خپریدا د مخنیوي په هکله مو یو منظم پروګرام تدوین کړی دی.
