د ایران او افغانستان پولې په پشپړ کنټرول کې دي
د ایران د اسلامی جمهوریت د پوځ د مځکني ځواک قوماندان او د ایران د پولیسو د قوماندان جانشین د ایران او افغانستان د سرحدي سیمو دمیداني شرائطو د ارزونې لپاره سیستان او بلوچستان ولایت سرحدي سیمو ته لاړل.
د ایران د پوځ د مځکني ځواک قوماندان سردار جنرال ک یومرث حیدري د افغانستان له هیواد سره د ګډې پولې د شرائطو د لیدو په وخت ووئيل،له افغانستان سره ګډې پولې په کامل ډول د پوځ د مځکني ځواک په کنټرول کې دي او امنیت په په بشپړ ډول ټينګ دی.
د ایران د اسلامی جمهوریت د پوځ د مځکني ځواک قوماندان زیاته کړه له ایران ،افغانستان او پاکستان سره په ګډو پولو کې امنیتی او اطلاعاتي معلوماتو لپاره ئې سیستان ته سفر کړی دی.
د ایران دپولسو د عمومي قوماندان جانشین سردار تورن جنرال قاسم رضائي هم سیستان سیمې ته په سفر کې او دغه راز له افغانستان سره د ګډو پولو د شرائطو د لیدو په وخت ت ووئيل، د ایران او افغانستان په ګډو پولو کې څو ځله ده چې د افغانستان د واکمنانو له خوا تیروتنې کیږي ،داسې چې پرون هم د ګاونډي هیواد له خ وا بې ځایه ډزې شوي ، چې البته کلک ځواب ورکړل شوی دی.
د ایران د پولیسو د عمومی قوماندان جانشین روښانه کړې ده ، دمګړئ دپولو وضعیّت ډیر آرامه دی او بیګا شپه هیڅ ډول پيښه نه ده شوې او شخړه پرون مازدیګر ختمه شوې ده .
تسنیم خبري آژانس راپور ورکړ، پرون سهار کابو لس بجې طالب ځواکونو د افغانستان له پلوه دنړیوالو قوانینو له رعایتوولو او د ښه ګاونډيتوب په نظر کې له نیولو پرته په ډول ډول وسلو سره د زابل د سرحدي غونډ په حوزې کې په ساسولي پستې ډزې وکړې چې د اسلامي ایران د پولیسو د پوله ساتونکو له پریکنده غبرګون سره مخ شوي دي.
