ایران او ترکمنستان د ملګرتیاؤ پراختیا ته هوډمن دي
د ایران اوترکمنستان اړیکې د ایران د دیارلسم حکومت د بهرني سیاست کړچار ته په پام سره چې د ګاونډیتوب د سیاست په توګه یادیږي ، مخ په پراختیا دي او د دواړو هیوادونو د لوړروتبه چارواکو لیده کاته ، په دې زمینې کې دبدلانه مهم پیچومی حسابیږي.
د ایران د اسلامی جمهوریت ولسمشر ووئیل ایران او ترکمنستان د انرژۍ په حوزې کې ډير زیات ظرفیّتونه لري چې د ښې ملګرتیا غوره زمینه ئې برابره کړې ده.
ایرنا خبری اژانس راپور ورکړ د ایران د اسلامی جمهوریت ولسمشر ا براهیم ریسی پرون ن اوخته د ترکمنستان د خلق مصلحتي شورا له مشر قربان قلی بردی محمداف سره په ګډ مطبوعاتي کنفرانس کې ، ددواړو هیوادونو ښو اړیکو ته په اشارې سره ووئيل، د ایران او ترکمنستان د اړیکو سویه پراخیدلی شي او ددواړو هیوادونو پوله د ملګرتیاؤ دپراختیا لپاره یو فرصت ګنل کیږي.
ابراهیم ریسی ایران ته د ترکمنتستان د خلق مصلحتي شورا د مشر سفر د دواړو هیوادونو د ملګرتیاؤ د پراختیا یو مهم ټکی وباله او وې وئيل، د اسلامی انقلاب د معظم لارښود حکیمانه تعبیر ته په پام سره چې ئې فرمائيلي دي، له ترکمنستان سره د ایران رابطه د ګاونډيتوب نه بلکې د خپلوئ رابطه ده ، د خپلوئ د همدغو اړیکو د لور نیونې لپاره ددواړو هیوادونو دچارواکو فیصلې تعقیبیږي.
د ایران د اسلامی جمهوریت ولسمشر د اوبو او بریښنا، ټرانسپورټ او ټرانزیټ په حوزو کې د اړیکو پراختیا دایران او ترکمنستان دملګرتیاؤ مهمې حوزې وبللې او او زیاته ئې کړه ، دتخنیکي او انجنئيرینګ خدماتو صادریدا د ملګرتیاؤ یوه بله زمینه ده چې پراختیا به ومومي.
د ترکمنستان د خلق مصلحتي شورا مشر قربانقلی بردي محمداف هم پخپلو څرګندونو کې د ایران د اسلامی جمهوریت سیمه ایز او نړیوال سیاست دسولې او ثبات او امنیت سیاست وباله او وې وئيل، دغه شان اقدامات او ګډې مشورې او راشه دیرشه په سیمې کې د سولې او ثبات تضمینونکی کیدلی شی او دغه راز پخپل مینځ کې دتجارت د پراختیا لپاره هم زمینې برابروي چې سیمه او نړۍ به د آرامښت او ثبات په لور وکاږي.
د ایران اوترکمنستان اړیکې د ایران د دیارلسم حکومت د بهرني سیاست کړچار ته په پام سره چې د ګاونډیتوب د سیاست په توګه یادیږي ، مخ په پراختیا دي او د دواړو هیوادونو د لوړروتبه چارواکو لیده کاته ، په دې زمینې کې دبدلانه مهم پیچومی حسابیږي.
