له ټروریزم سره مقابله نړیوال ضرورت دی
زمونږ خبریال راپور راکړی د ایران د اسلامي جمهوریت د بهرنیو چارو د وزیر سیاسي مرستیال علي باقري کني له ترهګرۍ سره د مبارزې ورځې ته په اشارې سره ټينګار وکړ له ټروریزم سره مقابله کول نړیوال ضرورت دی او رښتیوني او ډله ئیزه ملګرتیا له دغه شر سره د اغیز شیندونکي مقابلې یوازنۍ لاره ده.
پرون د چهارشنبې ورځ د اګست د میاشتې دیرشمه نیټه وه چې د ایران د هغه وخت د ولسمشر او د لومړي وزیر د شهادت له کلیزې او په ایران کښې له ترهګرۍ سره د مبارزې له ملي ورځې سره یې سمون درلود.
د نولس سوه یواتیایم میلادکال د اګست د میاشتې دیرشمه یعني د دیارلس سوه شپیتم هجري لمریز کال د وږي د میاشتې اتمه نیټه د ایران د لومړي وزیر په دفتر کښې په بم چاودنې کښې د حکومت د کابینې له غړیو سره یوځاې د هغه وخت د ولسمشر محمد علي رجايي او د لومړي وزیر محمد جواد باهنر د مظلومانه شهادت یادونه کوي.
د منافقینو ترهګرې ډلې دغه بم چاودنه کړي وه.
د ایران د بهرنیو چارو د وزیر د سیاسي چارو مرستیال علي باقري کني له ترهګرۍ سره د مبارزې ورځې ته په اشارې سره وویل ایران چې زرګونو بې ګناه ښاریز یې د صهیونیسټ رژیم د فرقه اي د تکفیري او د حکومتي ترهګرۍ له کبله له لاسه ورکړي دي له ترهګرۍ سره په مبارزې کښې ثابت قدمه دی.
