فلسطین د اسلامي دنیا لومړنۍ مسله ده
ایران پریس خبري اژانس راپور راکړی د ایران د اسلامي شورا مشر محمد باقر قالیباف د طوفان الاقصی عملیاتو ته په اشارې سره وویل نن سبا ورځې د ټولې نړۍ په تیره بیا د اسلامي دنیا لپاره ډیرې مهمې او حساسې ورځې دي.
هغه وویل حضرت امام خمیني رحمت الله علیه فرمائیل د فلسطین موضوع د اسلامي دنیا لومړنۍ موضوع ده او نن سبا مونږ ویلای شو د فلسطین مسله د دنیا لومړنۍ مسله ده.
د ایران د پارلمان مشر محمد باقر قالیباف د طوفان الاقصی عملیاتو ته په اشارې سره ټینګار وکړ د فلسطین خلکو د اکتوبر د میاشتې په اومه نیټه فیصله وکړه د دې پرځاې چې هره ورځ مړه شي یو ځل په عزت او شرف سره مړه شي.
هغه وویل د صهیونیسټ رژیم ننی حکومت له غلو او قاتلانو جوړ دی کوم چې هیڅ اخلاقي او انساني سره کرښه نه پيژندي.
د ایران د اسلامي شورا مشر قالیباف وویل صهیونیسټ رژيم نن سبا د فلسطین د ماشومانو په ډله ئیز ډول د وژلو په حال کښې دی او هغه تصویرونه چې نن سبا د فلسطین د ماشومانو د مظلومیت په هکله خپریږي د نړۍ په تاریخ کښې ساری نلري او دا داغ به د لویدیځو هیوادونو او د بل هر حکومت چې دغه بوږنونکي عسکونه وویني او غبرګون ونه ښي پاک نشي.
