بهرنیان د هرمز تنګی د امنیت په ټینګولو کی رول نلري
د شهید ابو مهدي المهندس کشتۍ د فارس خلیج د سیمې د مسلمانو هیوادونو لپاره د سولې او دوستۍ پیغام لري.
د اسلامی انقلاب د سپاه پاسداران د سمندری ځواک قوماندان سردار علیرضا تنګسیری په دې خبرې په ټینګار سره چې د هرمز تنګی امنیت د سیمې د هیوادونو له خوا تامین شوی دی، وویل: بهرنیان په دغه حساسه سیمه کښې د امنیت په رامینځته کولو کښې هیڅ رول نه لری.
د ایرنا د راپور له مخې د ایران د اسلامی انقلاب د سپاه پاسداران د سمندری ځواکونو قوماندان جنرال علیرضا تنګسیری له العالم خبری چینل سره په مرکه کښې په هرمز تنګی کښې د امنیت د تامینولو لپاره د سمندری ځواکونو عملیاتو ته په اشارې سره وویل: له هغه هیواد سره چې په سمندري غلو کې ښکیل وي او د ایران د اسلامي جمهوریت تیل غلا کړی ، ورته مقابله کوو .
هغه د شهید ابو مهدي المهندس کشتۍ د فعالیت په اړه وویل: د شهید ابو مهدي المهندس کشتۍ د فارس خلیج د سیمې د مسلمانو هیوادونو لپاره د سولې او دوستۍ پیغام لري.
هغه ټینګار وکړ: مونږ بشپړ چمتووالی لرو او باید تل چمتو واوسو، په دې برخه کې هغه تمرینونه چې مونږ ه په سیمه کې ترسره کوو، زموږ چمتووالی ښیې.
سردار تنګسیري همدارنګ په باب المندب تنګي کښې د یمن د سمندري ځواکونو د عملیاتو په هکله وویل دغه عملیات او د صهیونیسټي رژیم د بېړیو او یا د نیواکګر رژیم د بېړیو د تګ راتګ مخنیوی د غزې د مسلمانانو له ملاتړ سره سم دی. .
هغه زیاته کړه: نړۍ په ځانګړې توګه لویدیځوال او امریکا او هغه کسان چې په ناحقه د صهیونیسټانو د وینو تویولو ملاتړ کوي باید په دې مسله کښې خپل نظر بدل کړي.
سردار تنګسیري وویل: یمن یو خپلواک هیواد دی چې یو پیاوړی پوځ او پیاوړی رهبرهم لری چې په خپلواکه توګه عمل کوي او له هیچا امر نه اخلي.
