امریکې په ایران باندې ځیني نوي بندیزونه ولګول
د امریکې حکومت د ایران د اسلامي جمهوریت خلاف د خپلو غلیمانه سیاستونو په دوام کښې د ایران د هوافضا صنایعو په سازمان پورې په اړوندو څلور ارګانونو او همداشان په یو کس باندې بندیزونه ولګول.
د امریکې حکومت د ایران د اسلامي جمهوریت خلاف د خپلو غلیمانه سیاستونو په دوام کښې د ایران د هوافضا صنایعو په سازمان پورې په اړوندو څلور ارګانونو او همداشان په یو کس باندې بندیزونه ولګول.
د ایرنا د خبر له مخې، د امریکې د خزانې وزارت پرون جمعه د یوې خبرپاڼې په خپرولو سره وویل: د امریکې د خزانې د بهرنیو شتمنیو د کنټرول دفتر OFAC) د خپل زیات نه زیات دباؤ د سیاست او د ایران د اسلامي جمهوریت د ډرون تون سره د مقابلې په دوام کښې، په «رایان رشد افزارRRA) پورې په اړوندو څلورو ارګانونو بندیزونه ولګول.
پر دې سربیره یې د ایران د هوايي صنایعو د سازمان یو ایراني مدیر هم د خپلو بندیزونو په لسټ کښې شامل کړ.
د امریکې د خزانې وزارت د تیرې مۍ میاشتې په پنځه نیټه هم د ایران د اسلامي جمهوریت خلاف د خپلو بایکاټي سیاستونو په دوام کښې، د یوکرین او روسیې په جنګ کښې د ایراني ډرونز د پټ خرڅون په اسانولو او مالي تامین کښې د رول لوبولو په پلمه په څه باندې دولس ارګانونو، کسانو او کشتیو باندې بندیزونه لګولي وو.
