د سپاه سمندري ځواک د خپلو پیچلو ماینونو مخکتنه وکړه
د ایران د اسلامي انقلاب د سپاه پاسداران سمندري ځواک په فارس خلیج کښې په «اقتدارِ پيامبراعظم۱۹» مانورې کښې په اول ځل د خپلو یولړ پيچلو ماینونو مخ کتنه وکړه.
د «اقتدارِ پيامبراعظم۱۹» په نامه د سپاه پاسداران د سمندري ځواک پوځي مشقونه پرون سهار په بوشهر او خوزستان ولایتونو کښې په فارس خلیج کښې پیل شول.
د اسلامي انقلاب د سپاه پاسداران سمندري ځواک په دغې مانورې کښې په اول ځل د خپلو یولړ پيچلو سمندري ماینونو ویډیو خپره کړه.
دغه ماینونه له عام سمندري ماینونو ځانګړي دي او پوره قابلیتونه او وړتیاوې یې تراوسه پټې ساتل شوې دي.
د ویلو ده چې پرون سهار د «اقتدارِ پيامبراعظم۱۹» مانورې د ترسره کیدو په عمومي سیمې کښې چې له مخکښې نه یې اعلان شوې و، د انګلستان یوه تجارتي کشتۍ د فارس خلیج له شمالي لورې دغې سیمې ته نزدې شو خو د سپاه د سمندري ځواک د ګزمې د کشتیو په خبرداري سره، د مانورې له سیمې لرې شوه.
