د ایران ډیپلماسي، د میداني لاسته راوړنو بشپړوونکې ده
د ایران د بهرنیو چارو وزیر وویل: ډیپلماسي، د میدان بریاوې، د ملي ګټو او امنیت د تامینولو لپاره کاروي.
د ایران خارجه وزیر سید عباس عراقچي د «طوفان الاقصی او غزه؛ روایتونه او حقیقتونه» نومې کانفرنس د پاې په دستورو کښې زیاته کړه: ډیپلماسي د میدان لاسته راوړنې، د ملي ګټو او امنیت د تامین لپاره استعمالوي.
د پارس ټوډی د خبریال په لیکنه، ښاغلي عراقچي په دغې وینا کښې همداشان وویأ: د میدان او ډیپلماسۍ ترڅنګ رسنۍ هم د میدان او ډیپلماسۍ او د ماتو او بریاؤ د بیانولو په لړ کښې ډیر مهم رول لوبوي.
هغه ټینګار وکړ چې که د رسنۍ په ډګر کښې کامیابي ترلاسه نه شي نو ممکنه ده چې د بریا او ماتې ځاې بدل شي، په هم دې وجه میدان، ډیپلماسي او رسنۍ باید یوځاې تګ وکړي.
ښاغلي عراقچي د رسنیو د جنګ ګټونکی، د میدان او ډیپلماسۍ فاینل ګټونکی وباله او زیاته یې کړه: د نن سبا حقیقتونو په موجودو ټیکنالوجیو او انټرنیټ سره، د رسندوي فعالیتونو لپاره لاډیر فرصتونه رامینځته کړي دي.
د ایران د بهرنیو چارو وزیر همداشان له طوفان الاقصی عملیاتو وروسته د صهیونیسټانو بدنامۍ ته په اشارې سره وویل: صهیونیسټان ونه توانیدل چې خپلو اهدافو ته ورسیږي او ماتې یې وخوړله.
