د ایران ولس له بندیزونو نه ویریږي

د ایران د اسلامي جمهوریت ولسمشر وویل: د ایران ولس د امریکې له بندیزونو نه ویریږي.

ایرنا د پارس ټوډی له قوله لیکلي چې «مسعود پزشکیان» پرون مازیګر د تهران ولایت د سویل لویدیځ د حکومتي ادارو له مدیرانو سره په غونډه کښې، په دې ټکي باندې په ټینګار سره چې له بندیزونو ویره نه ده پکار، وویل: ځیني وايي چې له امریکایانو سره له خبرو پرته بله لاره نشته، مونږ نه وایو چې خبرې نه کوو خو داسې نه ده چې د بدماشانو په وړاندې سر ټیټ کړو.

ولسمشر  «مسعود پزشکیان» د سیمې لپاره د ایران د مثال جوړیدو په هکله د اسلامي انقلاب د معظم رهبر د نظر وړ لرلید ته په اشارې سره وویل: مونږ دغه مثال جوړولو شو او په دې باید باور ولرو.