عراقچي: د بمبارۍ له لارې د ايران اټومي ټکنالوژي لمنځه نشي تللی

پارس ټوډی - د ايران د بهرنيو چارو وزير وایي، اټومي انرژي په ايران کې يو علم او ټکنالوژي ته بدله شوې او دا روښانه ده چې ټکنالوژي د بمبار له لارې له منځه نشي تللی.

د ايران د بهرنيو چارو وزير سيد عباس عراقچي، د امريکا د «سي بي اس» شبکې سره په مرکه کې وويل: که د ايران اراده د اټومي صنعت په برخه کې پرمختګ وي، چې دا اراده موجوده ده، نو دا يقيني ده چې په چټکۍ سره کولی شو ټول زيانونه ترميم او د سايټونو ټولې صدمې جبران کړو.

هغه زیاته کړه، دا د دې لپاره نه ده چې تاسيسات نه دي زيانمن شوي، بلکې دا ځکه چې ټکنالوژي سالمه ده او دا تکنالوژي د ايراني ساينسپوهانو ترمنځ شتون لري.