ایراني اتل د مستر المپیا فاینل ته ورسېد
پارس ټوډې- ایراني بدن جوړوونکی اتل هادي چوپان وتوانید چې په مستر المپیا سیالیو کې د لومړي پړاو په ترڅ کې د غوره لوبغاړو په ډله کې ځای ونیسي.
ایراني بدن جوړوونکی اتل هادي چوپان په لاس ویګاس کې د مستر المپیا د یوشپېتم دور سیالیو کې د څلور غوره بدن جوړوونکو په ډله کې ځای نیولو سره د دې سیالیو فاینل ته لاره ومونده.
د پارس ټوډې د راپور له مخې، د ایران بل استازی، بهروز تاباني وو چې په خپل لومړي حضور کې له دې پړاو څخه حذف شو. مستر المپیا ۱۱ برخې لري چې د دې څانګې لوبغاړي د ارزښتناکو لقبونو لپاره سیالي کوي.
د مستر المپیا په دې دور سیالیو کې، هادي چوپان به په فاینل پړاو کې د سامسون دائودا د اتلولۍ مدافع، درک لانسفورد او انډریو جیکډ سره سیالي وکړي.
چوپان د یوه اتلولۍ او ۲ دویم قام په ګټلو سره د ایران د بدن ښکلا د تاریخ تر ټولو افتخاري لوبغاړی ګڼل کېږي.
د بدن ښکلا نه تکرارېدونکې اسطوره روني کلمن، د سیالیو له پیل وړاندې هادي چوپان د دې دور د مستر المپیا اتل معرفي کړی وو. د سیالیو فاینل به د یکشنبې په سهار ترسره شي.
