اروپا د سپاه پاسدارانو په باب لویه سټراټیژیکه تېروتنه وکړه
د ایران د اسلامی جمهوریت د بهرنیو چارو وزیر، سیدعباس عراقچي، د اروپا د دښمنانه اقداماتو په غبرګون کې په خپلې ایکس (پخواني ټویټر) پاڼې کې ولیکل: دا مهال څو هېوادونه هڅه کوي چې زمونږ په سیمې کې د یوه بشپړ جګړې له رامنځته کېدو مخه ونیسي. جالبه دا ده چې له دغو هېوادونو څخه هېڅ یو هم اروپائي نه دی.
ایرنا خبری آژانس راپور ورکوي، د ایران د بهرنیو چارو وزیر زیاته کړه: برعکس، اروپا د بحران اور ته پوکی وهي. وروسته له دې چې د امریکا په غوښتنه ئې د «اسنپبک» میکانېزم تعقیب کړ، اوس ئې زمونږ وسلهوال ځواکونه د تش په نامه «ترهګرو تنظیمونو» په لېسټ کې شامل کړي، چې دا یوه بله لویه سټراټیژیکه تېروتنه ده.
عراقچي وویل: د اروپا د ښکاره ریاکارۍ او خپلې خوښې چلند تر څنګ—دا چې د غزې په تړانګې کې د اسرائیلو د نسلوژنې پر وړاندې هېڅ اقدام نه کوي، خو په چټکۍ سره په ایران کې د «بشري حقوقو د دفاع» دعوه کوي،دا پروپيګنډيزه ننداره تر هر څه زیات د اروپا پر سپير رول او مقام دبرغولي د کیښودلو هڅه ده.
هغه زیاته کړه: پر دې سربېره ، په داسې حال کې چې دا لویه وچه بېله شکه د سیمې له یوې بشپړې جګړې څخه به ډیره اغېزمنه شي، لکه د انرژۍ د بَّیو د سخت لوړوالي د کړه ایزو پایلو له امله، د اروپائي اتحادئې اوسنی دریځ په جدي ډول د دوی خپلو ګټو ته زیان ورسوي. اروپائي وګړي د دې وړ دي چې د خپلو حکومتونو لهخوا تر دې ډېر ښه څه تر لاسه کړي.
همداراز د ایران د بهرنیو چارو وزیر له سیمهییزو وزیرانو سره په ټیلیفوني خبرو کې د سیمې د وضعیت د مسؤلانه مدیریت پر اړتیا ټينګار وکړ،
د ایران د بهرنیو چارو وزیر، سیدعباس عراقچي، د خپلو ډیپلوماتیکو سلا مشورو په دوام کې، د قطر، مصر، متحده عربي اماراتو، پاکستان، عمان او ترکیې له بهرنیو چارو وزیرانو سره په جلا ـ جلا ټیلیفوني خبرو کې، د سیمې او نړیوالو ترینګلتیاؤ او وروستيو بدلونونو په اړه خبرې او د نظر تبادله وکړه.
د ایران د بهرنیو چارو وزیر د شرایطو د حساسیت په یادولو سره، د وروستیو بدلونونو په اړه د ایران د اسلامي جمهوریت دریځونه په بشپړډول تشریح کړل.
په دغو خبرو کې، لورو د روان وضعیت د مسؤلانه مدیریت پر اړتیا او د روانو بدلونونو د پایلو پر اغېزو،چې د سیمې پر امنیت ئې لري،ټینګار وکړ.
