ایراني نوښت د جګړې د ډګر معادلې بدلې کړې

د ایران د دفاع او د وسله‌والو ځواکونو د ملاتړ سرپرست سردار سید مجید ابن‌الرضا ویلي، ایراني نوښت د جګړې په ډګر کې معادلې بدلې کړې دي.

هغه په یوه ټولنیزه شبکه کې لیکلي، د وروستۍ جګړې پر مهال دښمن له پرمختللو نړیوالو ټکنالوژیو سره میدان ته راغی، خو ایراني نوښت د جګړې معادلې بدلې کړې.

د نوموړي په وینا، هر څومره چې دښمن خپله ټکنالوژي پرمختللې کړه، همغومره د ایران کورني دفاعي ظرفیتونه هم پیاوړي شول او د جګړې ډګر د هېواد د دفاعي ټکنالوژۍ د ودې پر فرصت بدل شو.