پزشکیان: په غیرپوځي زیربناو باندې بریدونه، جنګي جنایت دی
پارس ټوډې - د ایران ولسمشر د ترانسپورتي زیربناوو د وروستي وضعیت او د ایران د سرحدي ترمینلونو، بندرونو، سړکونو او ریل شبکو ته د رسیدلي زیان په څیړنې سره، په ملکي زیربناوو باندې د امریکا بریدونه د جنګي جنایت یوه څرګنده بیلګه وګڼله.
د پارس ټوډې په وینا، د ایران د نشراتي شرکت په حواله، د ایران ولسمشر مسعود پزشکیان، د سرحدي ترمینلونو، ګمرکونو او د ایران د ځمکې، ریل، سمندر او هوايي ترانسپورت زیربناوو ته رسیدلي زیان ته په اشارې سره، دا کړنې له نړیوال قانون څخه د سرغړونې او جنګي جنایت یوه څرګنده بیلګه وګڼله، او د باصلاحیته نړیوالو چارواکو او سازمانونو له لارې د دې کړنو د قانوني تعقیب په اړتیا باندې یې ټینګار وکړ.
د ایران ولسمشر د سیمه ایزې همکارۍ پراختیا او له ګاونډیو هیوادونو سره د زیربناوي اړیکو پیاوړتیا د ایران د حکومت د ستراتیژیکو لومړیتوبونو په توګه وبلله او ویې ویل: د حکومت فعالې ډیپلوماسۍ د ترانسپورت او ټرانزیټ د همکارۍ د پراختیا لپاره یو مناسب پلیټ فارم چمتو کړی دی، او له ګاونډیو هیوادونو سره د ایران د ریلي شبکې بشپړول او نښلول کولی شي د اقتصادي انعطاف زیاتولو، د ټرانزیټ د نړیوالو دهلیزونو پراختیا او د هیواد له جیوپولیتیک ظرفیتونو په زیات نه زیاتې استفادې کښې اغیزمن رول ولوبوي.
