قالیباف: د امریکا اقتصاد له ویرونکي بلا سره مخامخ دی
پارس ټوډې- د ایران د اسلامي شورا مشر ، د امریکا د خزانې وزیر سکاټ بسنیټ د څرګندونو ته په غبرګون کې، د اقتصاد اړوند یو مېم خپور کړ او ویې لیکل: «چمتو یې چې روح دې تسخیر کړي؟»
پارس ټوډې سایټ محمدباقر قالیباف، د ایران د اسلامي شورا مشر د سهشنبې په شپه د امریکا د خزانې وزیر د څرګندونو په غبرګون کې، د اقتصاد اړوند یو مېم خپور کړ او ویې لیکل: «چمتو یې چې روح دې تسخیر کړي؟»
په دې انځور کې د تېلو او ډیزلو له بیو نیولې، د مصرفوونکو تر باور او د کور د اخیستلو تر توان پورې، بېلابېل چارټونه یو ځای داسې بڼه جوړوي چې د یوه پېري په څېر ښکاري؛ په دې طنزي اشاره چې د وېرېدو لپاره اړتیا نشته چې د هالووین ورځې ته انتظار وباسئ؛ کله ناکله کافي ده د اقتصاد پاڼه خلاصه کړئ!
په انځور کې ډېوېډ زرووس هم لیدل کېږي، چې د بسنیټ نوی ځانګړی سلاکار او په امریکا کې د سود د کچې د کمولو ملاتړی دی؛ هماغه کس چې ویلي یې وو، تر هغه چې فیډرال ریزرو د سود کچه راټیټه نه کړي، خپل ویښتان به نه لنډوي.
