هیله ده سږکال دحج د ترسره کولو لپاره شرائط برابر شي .
زمونږخبریال راپور راکړ دایرانیو حاجیانو سرپرست حجةالاسلام سید علی قاضي عسګر نن سعودي عربستان ته دایراني پلاوي دلیږلو په درشل کې درهبرۍ د بعثې دغږملونکي اوپلانونکي شورا په غونډې کې روښآنه کړې ،که عربستان واقعا غواړي ، ایراني حاجیان سږکال حج ترسره کړي ، نو باید په خبرواترو اود ویزو دصادرولو په بهیر کې له ځنډ او خنډ اچولو ډډه وکړي او او ایرانیو حاجیانو دهرکلي فیصله وکړي .
هغه هیله وښودله سعودي عربستان ته داسلامی ایران دلیږونکي پلاوي خبرې آترې مثبتې نتیجې ولري .
ټاکل شوې ده ، ایرانی پلاوي دفرورۍ په درویشتمه نیټه له سعودي عربستان لوري سره دخبرواترو لپاره په رسمي بلنې سره عربستان ته سفر وکړي .
سعودي عربستان تیر کال په چټي دلیلونو سره دحج په مناسکو کې د اسلامی ایران ،سورئې او یمن پشمول دځينو هیوادونو دحاجیانو دشتون مخه نیولې وه . او سږکال هم که دایرانیو حاجیانو د ژوند او عزت خیال ونه ساتل شي نوممکنه ده دایران په لسګونو زره تلونکي حاجیان سږ کال هم دحج مناسک بایئکاټ کړي .
