هندوستان د ایران د چابهار بندر په پراختیا ټینګار وکړ
د هندوستان د خارجه وزارت ویاند د ایران د چابهار بندر د پراختیا لپاره د نوي ډیلي د حکومت د هلوځلو په دوام ټینګار وکړ.
د ایرنا د خبر له مخې راویش کمار پرون په نوي ډیلي کښې له خبریالانو سره په خپله اونیزه غونډه کښې وویل: د هندوستان حکومت افغانستان او مرکزي آسیا ته د یوې بدیلې لارې په توګه د ایران د چابهار بندر له پراختیا ملاتړ کوي.
هغه ټینګار وکړ چې نوی ډیلی به د چابهار بندر د بشپړې او موثرې عملیاتي کونې لپاره له ایران سره مرستې ته دوام ورکړي.
راویش کمار د چابهار بندر د پراختیا په طرحه کښې د ګډون لپاره چین او پاکستان ته د بلنې په لړ کښې د ایران د خارجه وزیر محمد جواد ظریف د څرګندونو په غبرګون کښې وویل: دا د ایران د اسلامي جمهوریت د حکومت حق دی چې په چابهار کښې د بیخ بینايي اسانتیاؤ په پراختیا کښې خپل انډیوالان غوره کړي.
هغه همداشان د چابهار بندر په عملیاتي کولو کښې د پام وړ پرمختګ ته په اشارې سره زیاته کړه: د ۲۰۱۷ کال له اکتوبر څخه د چابهار بندر له لارې افغانستان ته د غنمو د جوپو لیږل په کامیابه توګه ترسره شوي دي.
چابهار بندر د ایران، افغانستان او هندوستان ترمینځ یوه مهمه درې اړخیزه پروژه ګڼله کیږي.
