د تهران خلکو د صهیونیسټانو په لاس د فلسطینیانو وژله وغندله

د تهران د مختلفو پرګنو خلکو او یوه ډله محصلینو نن د امریکې د پخواني سفارت (د جاسوسۍ ځالې) مخې ته په راغونډیدو سره د صهیونیسټانو په لاس د فلسطینیانو وژله وغندله.

زمونږ خبریال رپورټ راکړی چې په دغه اعتراضي راغونډیدنه کښې ګډونوالو چې د (مړه دې وي امریکا) او (مړ دې وي اسرائیل) د شعارونو بیرغونه یې اوچت کړي وو، د یولړ شعارونو په ورکولو سره یې د فلسطیني ماشومانو د وژلې په وړاندې د نړیوالو ټولنو چپیا وغندله.

د تهران خلکو همداشان د صهیونیسټي رژيم په وړاندې د فلسطینیانو له مقاومته خپل ملاتړ اعلان کړ.

د دغې ولسي تجمع ویناوال حجت الاسلام علیرضا پناهیان وویل: د منحوس صهیونیسټي رژیم په لنډ تاریخ کښې دغه رژیم هیڅکله د نن په شان کمزوری نه و او د مسلمانانو یووالی به د دغه رژیم د نابودۍ سبب شي.