د صهیونیسټي رژیم لپاره نوره نو خوندي څنډه نه ده پاتې
په ایران کښې د انتفاضې او قدس د کمیټې مشر په سیمه کښې د مقاومت د جبهې بریالیتوب او د داعش ماتې ته په اشارې سره ټینګار وکړ چې نوره د صهیونیسټي رژيم لپاره هیڅ امنه سیمه نه ده پاتې.
سردار رمضان شریف پرون په تهران کښې د قدس د نړیوالې ورځې د مراسمو د برابرونې د کمیټې په دریمه غونډه کښې د داعش جوړول، د فلسطین له مسئلې د نړۍ د عامه افکارو د غړولو په لړ کښې یوه دسیسه وببله او څرګنده یې کړه: دښمنانو هڅه کوله چې نښتې او شخړې د اسلامي نړۍ جغرافیايي ته راټیل وهي خو بریا د مقاومت په برخه وه.
هغه بیت المقدس ته د سفارتخانې د منتقلولو په لړ کښې د امریکایانو دسیسې ته په اشارې سره څرګنده کړه: د امریکې حکومت تمه درلوده دا کار چې د نړیوالو قوانینو خلاف دی، د نورو هیوادونو له ملتیا سره به مخ شي خو نه یوازې کومه ملګرتیا او اجماع رامینځته نه شوه بلکې د دنیا پتیالیو ولسونو دا شرمناک کار وغنده.
په ایران کښې د قدس او انتفاضې د کمیټې مشر قدس ته د امریکې د سفارتخانې د انتقال د وروستۍ فتنې په شمول له امریکايي او صهونیسټي پلانونو سره د مقابلې لپاره د فلسطین د خلکو یووالی سږ کال د قدس د ورځې ستره ځانګړنه وبلله او زیاته یې کړه: فلسطینیان سره د کلابندۍ او محدودیتونو، د صهیونیسټانو په وړاندې دریږي او (د ستنیدو د حق) لاریونوونه په فلسطینیانو کښې د مقاومت د چورلیز د ژوندي پاتې کیدو سبب شوي دي.
د ویلو ده چې د روژې د مبارکې میاشتې وروستۍ جمعه د ایران د اسلامي جمهوریت د بنسټګر حضرت امام خمیني(رح) په نوښت د قدس نړیواله ورځ نوموله شوې ده څو د ټولې نړۍ مسلمانان د صهیونیسټي رژيم له توکمپالو سیاستونو خپله کرکه اعلان کړي.
