د نړۍ د فرنګي کشتۍ سياليو کښې د ايران اتلولي

د ايران د اردبيل رازي بيمې ټيم د نړۍ د کلبونود فرنګي کشنۍ د سياليو د پينځمې دورې اتل شو.

زمونږ د خبريال د رپوټ له مخې د ايران د اردبيل د رازي بيمې ټيم پرون ماښام د نړۍ د کلبونو د فرنګي کشتۍ د سياليو په فائنل کښې چې د ايران په اردبيل ښار کښې وشوې د روسيې ټيم ته د دوه په مقابل کښې په اتو سره ماتې ورکړه او د نړۍ قهرمان شو.

د ايران د ايذه سينا صنعت او  د ترکيې ټيمونو هم په ترتيب سره د دغو نړيوالو سياليو دريم او څلورم مقامونه حاصل کړل.

له دې مخکې هم د نړۍ د کلبونو د ازادې کشتۍ په سياليو کشې د ايران د بابل رازي بيمې ټيم د ترکيې د ټيم په مقابل کښې په برترۍ سره د دغې دورې د سياليو اتل شوے ؤ.