د FATF موضوع په اروپايي چارواکو پورې هیڅ اړه نه لري
Feb 05, 2019 02:18 Asia/Kabul
د ایران د خارجه وزارت ویاند په دې خبرې سره چې د FATF موضوع د اروپا په چارواکو پورې هیڅ تړاؤ نه لري، وویل: ایران داسې هیواد نه دی چې هر شرط ومني.
بهرام قاسمي پرون په یوه مرکه کښې د اروپايي چارواکو د دې څرګندونو په هکله چې ایران د اینسټکس د ښې اجرا لپاره باید په FATF کښې شامل شي، زیاته کړه: هیڅوک د ایران لپاره شرطونه نه شي ټاکلې.
قاسمي د ایران او اروپا ترمینځ د مالي لارې چارې د اجرا په ځنډیدو باندې په نیوکې سره څرګنده کړه: اروپا چې له ایټمي موافقې د امریکې له وتنې وروسته یې ژمنه وکړه چې له دې کاره د ایران تاوان به جبیره کړي، باید خپله ژمنه پوره کړي.
د ایران د خارجه وزارت ویاند په دې خبرې سره چې اروپايي اتحادیې لا اصلي او اساسي ګامونه نه دي پورته کړي، ټینګار وکړ چې اینسټکس لا خپل کار نه دی پیل کړی.
ټیګونه
