د ایران او پاکستان د سلواغې د ۲۹ نیټې ځینې مطبوعات
د اسلامی ایران د ولسمشر په شتون سره د ایران تر ټولو پرمختللی اوبتل په سمندری ځواک کې شامل شو
جمهوری اسلامی
د اسلامی ایران د ولسمشر په شتون سره د ایران تر ټولو پرمختللی اوبتل په سمندری ځواک کې شامل شو . ورځپاڼۍ په دې هکله په یوه راپور کی لیکلی دی ، ډاکټر حسن روحاني د ایران د اسلامي جمهوریت د پوځ په سمندري ځواک کښې د (فاتح) اوبتل د شاملیدو په مراسمو کښې زیاته کړه: د ایران سمندري ځواک نه یوازې په فارس خلیج، عمان سمندر، خزر سمندرګي او د هند سمندر په خوله کښې د هیواد د سواحلو دفاع کوي بلکې په نړیوالو سمندرونو کښې هم په خپل شتون او اقتدار سره د ایران د اسلامي جمهوریت د ګټو او د کشتۍ چلونې د امنیت ملاتړ کوي او د ایران په اقتدار باندې اغیز شیندونکی دی.
د اسلامي ایران ولسمشر په دې ټکي باندې په ټنیګار سره چې د هیواد سمندري ځواک یو ځانګړی موقعیت لري، وویل: د دښمنانو دباؤ او بندیزونه او تپلی جنګ سبب شو چې ایران په دفاعي صنعت په تیره بیا په سمندري صنعت کښې پر ځان بسیا شي.
ولسمشر روحاني څرګنده کړه: له نیکه مرغه د ایران اسلامي جمهوریت نن سبا په ځمکې، هوا او سمندر کښې پر ځان بشپړ بسیا دی او قدرت یې هیڅ کله دومره زیات نه و.
ایران د تیلو صادرونکي شو .
د ایران خارجه وزیر ظریف د مونیخ په کنفرانس کی ویلی دی چی امریکا د ایران په اړه خپله بد خیمه ناروغۍ درمان کړی .
د یمن خلکو له صیهونیسټ رژیم سره د عربو د مرتجعو هیوادونو د اړیکو د عادی کولو په اعتراض کی پراخې مظاهرې وکړې .
د سوریې ولسمشر بشار اسد وایی اردوغان د امریکا حقیر ګوډاګې دې .
د عربستان ولیعهد پاکستان ته په داسې حال کی سفر وکړ چی پاکستانی اولس د هغه له سفر سره په مخالفت کی پراخې مظاهرې ترسره کړی .
ایران
د اسلامی ایران خارجه وزیر ښاغلی ظریف د مونیخ په غونډه کی وویل خپل هیواد نه بې دفاع کوو .
د ایران هرمزګان ولایت کی د ایران د ولسمشر په شتون سره د فاتح اوبتل په سمندری ځواک کې شامل شو .
د ایران سپاه پاسداران وایی اجازه نه ورکوو چی دښمنان د ټولنې ارامښت خراب کړی .
د تهران کی د پاکستان سفیره د ایران خارجه وزارت ته وغوښتل شوه .
دایران داسلامی جمهوریت د ایټمی انرژۍ د ادارې مشر علی اکبر ولایتی وئیلی دی ، اسلامی ایران دریډیو درملو په تولید او د نویو ریډیو درملو په پراختیا کې یو مخکښ هیواد دی ، او اوس د ایران تولید شوی ریډیو درمل پنځلسو هیوادونو ته صادریږی .
اطلاعات
د اسلامی ایران ولسمشر روحانی وویل د ایران قدرت هیڅکله په ننې اندازه نه وو .
د مونیخ په کانفرنس کی امریکا او اروپا ترمینځ ژور درز رامینځته شو .
ظریف وایی د ایران ولس تل پر ځان تکیه کونکی پاتې شوی دی . محمد جواد ظریف د امریکا این، بي، سي چینل ته په مرکه کښې زیاته کړه: په ایران په تیرو څلویښتو کالو کښې د امریکې دباؤنه تل له ماتې سره مخ شوي دي ځکه چې د ایران ولس تل پر ځان ملا تړلې ده.
هغه په سیمه او نړۍ کښې د عربستان اقداماتو ته اشاره وکړه او ویې ویل: سعودي عربستان د امریکې په غوښتنه په ټوله نړۍ کښې د افراط پالنې ملاتړ کوي او دا کار په مینځني ختیځ کښې د کړکیچ رامینځته کیدو او د وینې توییدو لامل شوی دی.
د ایران خارجه وزیر په سوریې کښې د ایران د شتون په هکله هم وویل: تر څو چې دمشق له تهران څخه له تندلاریتوب او ترهګرۍ سره د مبارزې لپاره په سوریې کښې د پاتې کیدو غوښتنه وکړي، تر هغې به ایران په سوریې کښې شتون ولري.
دپاکستان چاپ ځینې ورځپاڼۍ
دنیا
د عربستان ولیعهد په عربستان کې د بندی ۲۱۰۷ پاکستانیانو د خوشی کولو حکم صادر کړ .
د هند تر کنټرول لاندې د کشمیر په پلوامه سیمه کی د هندی پوځ د یوه میجر په شمول ۵ عسکر وژل شوی دی .
افغان طالبانو ویلی دی چی مونږه یې پاکستان ته له تلو ایسار کړو . طالبانو زیاته کړی ده چی امریکا او ملګرو ملتو پاکستان ته د طالبانو د پلاوی د ورتګ مخه ونیوله ځکه چی په پلاوی د شاملو نهو کسانو نومونه په تور لیسټ کې شامل وو .
عربستان په پاکستان کی د شل میلیارډ ډالرو د پانوګنې لومړې پړاو پاې ته ورسید .
ډان
پاکستان له هندوستانه خپل سفیر راوغوښته .
پاکستان په ایران کی د وروستي ترهه ګرې حملې په ارتباط په تحقیقاتو کې د بشپړه ملګرتیا ډاډ ورکړ .
د ایران خارجه وزیر ظریف ویلی دی ایران په ارتباط د امریکا د ولسمشر د لومړی مرستیال پنس تورونه د خنده وړ دی .
په هندوستان کی په یوې کم عمره انجلۍ د جنیسی تیری په تور یو پادری په شل کاله بند محکوم شو .
په نایجریا کې ټاکنې وځنډول شوې .
