دایران دفاعی توان د ثبات او د امنیت د ساتلو لپاره :-

دایران داسلامی جمهوریت وسله وال ځواکونه په سیمه کښې په ګواښونو په کامل ډول بروالی سره ځانونه له ګواښونو سره سم چمتو کوی .

په دې لړ کښې دایران داسلامی جمهوریت د پوځ د سمندری ځواک د ولایت ۹۷ په نوم ستره پوځی مانوره په تیرې جمعې ورځ دایران د جنوب په بندر عباس سیمه کښې له هرمز اوبلارې رانیولی تر مکران سواحلو ، د عمان سمندرګی او د هند د اوقیانوسیې د شمال تر لس(۱۰) درجې مدار او په کابو دوه میلیونه کلومیټره محدودې کښې د هند د اوقیانوسیې په شمال کښې پیل شوه .

دایران اسلامی جمهوریت د دفاعی ډاکټرین په چوکاټ کښې دودیز اقدامات او تمهیدات چې د ګواښونو د تعقیبولو او د ختمولو لپاره یې ضروری وګڼی ترسره کوی .

د «ولایت ۹۷ »پوځی مانوره هم دهمدغه هدف په چوکاټ کښې ترسره کیږی .

دایران د پوځ د غږملونکی مرستیال امیر البحر حبیب الله سیاری پرون د ولایت ۹۷ د سترې سمندری مانورې په څنګ کښې په دې خبرې سره چې دایران پرضد تل ګواښونه شته ډاګینه کړه د اسلامی جمهوریت د وسله والو ځواکونو توانمنۍ د مقابلې او دفاع لپاره ضروری ده .

دامریکا د ستراتیژیکو مطالعاتو نړیواله موسسه په یوه(۱) راپور کښې ایران د داسې هیواد په توګه یادوی چې  د بلاسټیک  توغندیو او راکټونو ترټولو ستر او ډول ډول  سلاکوټونه لری .

په دفاعی عملیاتو کښې له پوهې او تخصص څخه ګټه پورته کول او د یرغل د اړتیا په بڼه کښې په  دفاعی قابلیتونو سره د کارنده او د پرمختللیو تجهیزاتو  په لاس کښې لرل له تیریګرو سره د مقابلې او د ګواښونو د ختمولو لپاره یوه (۱) ستراتیژیکه مولفه ده .

نن  سبا ایران په پوځی ډګر کښې د سمندری امنیت دساتلو په شمول په ټولو برخو کښې په ستراتیژیکه سویه وس لری او د دفاعی او حتی د یرغل د قدرت له نظر دا ظرفیت لری چې په سیمه کښې د ناامنۍ د رامینځته کونکو بهیرونو په مقابل کښې ودریږی .

دایران داسلامی انقلاب ستر لارښود او د ټولو قواو قومندان حضرت ایت الله العظمی سید علی خامنه ای څه موده مخکې د  پوځ دسمندری ځواک له قومندانانو او  مسولانو سره په کتنې کښې د اسلامی جمهوریت په مقابل کښې د دښمانانو او دسیالانو د پراخې جبهې ولاړیدا ته په اشارې سره وویل  دایران اسلامی جمهوریت له هیڅ هیواد سره د جنګ دپیلولو نیت نلری خو خپل وسونه دومره زیات کړئ چې دښمن نه یوازې په ایران له حملې ویریږی بلکې په ډګر کښې د وسله والو ځواکونو د اغیزشیندونکی شتون ، اقتدار او پیوستون په برکت دایران د ملت له سرڅخه ګواښ هم لیرې شی .

دایران پوځی قدرت نن سبا د یوه(۱) ستراتیژیک ځواک په لیکه کښې راځی .

په دغه ظرفیت تکیې سره ایران او دسیمې هیوادونه په پوځی او امنیتی ملګرتیا او پیوستون سره دسیمې امنیت تامینولای شی .

تجربې ښودلی ده چې په سیمه کښې د پردیو شتون یوازې په سیمه کښې د لاسوهنو او د وسلو د خرڅولو په هدف سره دی او دغه شتون  هیڅکله دسیمې لپاره امنیت نه دی راوستلی .

ددغه خبرې  دلیل په سیمه کښې  د کړکیچونو او د شخړو او د ترهګرو ډلو پراخ فعالیتونه دی .

له دې نظره د ایران د« ولایت ۹۷» پوځی مانورې پیغام په ډله ایز امنیت او په سیمه کښې د ګواښونو او د ناامنیو په ختمولو ټینګار دی .