د خلکو د لمسولو او مشکوکو تحرکاتو په وجه
تهران کښې د بریطانیا سفیر ونیوی شو
د ایران لپاره د بریطانیا سفیر "راب مک ایر" Rob Macaire پرون مازیګر د تهران د امیر کبیر پوهنتون مخې ته د مشکوکو تحرکاتو د پلانولو او لمسولو په وجه د څو ساعتونو لپاره ونیوی شو.
د ایران لپاره د بریطانیا سفیر "راب مک ایر" Rob Macaire پرون مازیګر د تهران د امیر کبیر پوهنتون مخې ته د مشکوکو تحرکاتو د پلانولو او لمسولو په وجه د څو ساعتونو لپاره ونیوی شو.
تسنیم خبري آژانس خبر ورکړی چې تهران کښې د یوکراین د هوايي چلند د مسافري الوتکې د نسکوریدو له پیښې وروسته پرون مازیګر د دغې پیښې د قربانیانو له کورنیو سره د خواخوږۍ په موخه یو شمیر کسان د تهران د امیرکبیر پوهنتون مخې ته راغونډ شول چې د ځینو بدماشانو او رذیلانو په ناوړه استفادې سره یې قهرجنه بڼه غوره کړه.
په تهران کښې د انګلستان سفیر هم دغو خلکو ته ورغی او د هغوي د لمسولو او راپارولو ترڅنګ یې هغوي ځینو ریډیکل او قانون ماتونکو اقداماتو ته راوبلل.
په دې وجه د ایران پولیسو دی د څو ساعتونو لپاره ونیوه او بیا یې خوشی کړ.
