د ایران او د افغانستان حکومتي چارواکو خبرې وکړې
زمونږ خبریال وايي د افغانستان په چارو کښې د ایران د اسلامي جمهوریت ځانګړي استازي محمد ابراهیم طاهریان له اشرف غني او څو نورو لوړرتبه چارواکو سره کتنې او د دوه اړخیزه ملګرتیا د پراختیا او له کورونا وایروس سره د مقابلې په هکله خبرې وکړې .
د افغانستان په چارو کښې د ایران د اسلامي جمهوریت ځانګړي استازي محمد ابراهیم طاهریان په کابل کښې له ولسمشر اشرف غني ، د خارجه وزارت له سرپرست حنیف اتمر او د ملي امنیت له سلاکار حمد الله محب سره په کتنو کښې د دوه اړخیزه ملګرتیا او د اړیکو د پراختیا او د دغه هیواد د نویو سیاسي بدلونونو ، د سولې د بهیر او له کورونا وایروس سره د مبارزې د لارو چارو په هکله خبرې او غور وکړ .
طاهریان په دغو کتنو کښې له کورونا وایروس سره د مبارزې په زمینه کښې د ملګرتیا لپاره له افغانستان سره د ایران د مرستو په دوام ټینګار وکړ .
د تجارتي او ټرانزیټي اړیکو پیاوړتیا او د اورګاډي د ګډې پټلۍ جوړول د ایران او د افغانستان د چارواکو په کتنو کښې نورې مطرح شوي موضوعګانې وې .
اشرف غني او عبدالله عبدالله د افغانستان د ولسمشرۍ له انتخاباتو وروسته ځانونه ګټونکي اعلان کړي دي او دغه چاره په هیواد کښې د سیاسي کړکیچ د رامینځته کیدا سبب شوي ده .
په تیرو څو ورځو کښې د ایران د باندنیو چارو وزیر جواد ظریف د افغانستان له چارواکو سره د دغه هیواد د سیاسي کړکیچ او د وروستیو پرمختیاو په هکله سلامشورې کړي دي .
