عبدالله عبدالله تهران ته راځي

د ايران د اسلامي جمهوريت د خارجه وزارت وياند د راتلونکي ايتوار په ورځ تهران ته د افغانستان د ملي مصالحت د عالي شورا د مشر د سفر خبر ورکړ.

د فارس خبري آژانس د رپوټ له مخې سعيد خطيب زاده بېګا وويل، ډاکټر عبدالله عبدالله د راتلونکي ايتوار په ورځ د اکتوبر په اتلسمه د يو لوړرتبه پلاوي په مشرۍ تهران سفر کوي.

هغه زياته کړه عبدالله به په دغه درې ورځني سفر کښې د ايران له ولسمشر، د اسلامي شورا د جرجې له مشر، خارجه وزير او نورو چارواکو سره کتنه او خبرې اترې وکړي.

د يادونې ده چې عبدالله عبدالله له دې مخکښې پاکستان او هند ته هم سفر کړے ؤ.