ایران په سیمه کښې د ترهګرو شتون نشي زغملی
زمونږ خبریال وايي د ایران د بهرنیو چارو وزیر جواد ظریف په سیمه کښې د ترهګرو شتون د تهران لپاره د زغملو وړ ونه باله .
هغه پرون په سیمه کښې د ترهګرو په شتون د اندیښنې په ښودلو سره وویل په سیمه کښې د ټروریسټانو شتون د ایران د اسلامي جمهوریت لپاره د زغملو وړ نه دی .
د ایران د بهرنیو چارو وزیر جواد ظریف وویل د اذربایجان جمهوریت د ځمکنې بشپړتیا احترام کول او د نړیوالو سرحدونو د نه بدلولو او له سوله ییزې لارې د شخړې حل کول د ایران د اسلامي جمهوریت د فعالې ډیپلوماسۍ اصول دي .
جواد ظریف وویل د ایران اسلامي جمهوریت د قره باغ د شخړې د دائمي حل لپاره یو(۱) پلان تدوین کړی دی چې نن یا سبا به مطرح شي او دغه پلان به ورپسې د روسیې او د ارمنستان له چارواکو سره تعقیب شي .
د روان میلادي کال د سپتمبر د میاشتې له اوویشتمې (۲۷)نیټې راهسې د اذربایجان جمهوریت او د ارمنستان ترمینځ نوي جنګونه پیل شوي او تراوسه د د دواړو لورو ګڼ شمیر عسکر او عادي خلک مړه او ژوبل شوي دي .
