ایران د افغانستان لومړنی تجارتی شریک دی
د افغانستان تاجران وائي دایران او افغانستان په تجارتي اړیکو کې دموجوده آسانتیاؤ په دلیل د دواړو هیوادونو تجارتي اړیکې هماغه شان په زیاتیدا دي .
زمونږخبریال له کابله راپورراکړ د رسمي راپورونو په اساس،د ایران او افغانستان د تجارتي اړیکو اندازه،په کال کې څه دپاسه درې میلیارډالرو ته رسیدلې چې دغه زیاتره اندازه دغه هیواد ته دایران صادرات دي.
دافغانستان د تجارت اوصنائعو د کوټو مرستیال خان جان الکوزي په دې زمینې کې وئيلي دي ، په ویاړ سره وئيلی شو چې اسلامی ایران د افغانستان لومړنی تجارتی شریک دی .
په افغانستان کې د ایران داسلامی جمهوری تجارتي سلایار جوانمرد قصاب هم وئيلي دي ، ددواړو هیوادونو تجارتي اړیکې په یوه بل کې دومره نغښتي دي چې حتی امریکا،افغانستان د ایران په ضد دخپلو ظالمانه بندیزونو څخه مستثنی کړی دی .
همداراز آغا جان صالح زاده چې په کابل کې د اسلامی ایران د ودانیو د مصالو د څوشرکتونو نمایندګي لري او د ایرانیو شیانو یو فعال واردونکی دی ، هم زمونږ له خبریال سره په خبرو کې وئيلي دي، په افغانستان کې د ودانیو دمصالحو او لوازماتو د بازار اتیا فی صدي برخه دایرانیو شرکتونو په لاس کې ده .
هغه په تجارت کې د خپلې کامیابۍ راز د ایران دلوړ کیفیّت لرونکو شیانو د وارداتو پامته داره ده .
د افغانستان تاجران وائي دایران او افغانستان په تجارتي اړیکو کې دموجوده آسانتیاؤ په دلیل د دواړو هیوادونو تجارتي اړیکې هماغه شان په زیاتیدا دي .
