د جامعې نړیوالې ایټمي موافقې په باب بیا بحث ناممکن دی
د اسلامی ایران ولسمشر په دې په ټينګار سره چې د ګواښ ،دباؤ اوزور له لارې دمشکلاتو حل لټول ، د ایران د ولس په وړاندې یقینا یوه ماته خوړلي چاره ده ، وئيلي دي ، یوازې په متقابل احترام او عقلانیّت مشتملو لارو چارو سره پر مشکلاتو برلاسه کیدلی شي .
زمونږ خبریال راپور راکړ د اسلامی ایران ولسمشر حسن روحاني پرون ناوخته د سویس له ولسمشر ګاي پارملین سره په ټيلیفوني تماس کې د مختلفو هیوادونو د ډيرو زیاتو هلوځلو دنتیجې په توګه د جامعې نړیوالې ایټمي موافقې په باب بیا بحثونه و پرانیستل ئې ناممکن بللي او دا کار ئې د ملګروملتو دامنیت شورا د ۲۲۳۱پریکړه لیک خلاف بللی دی .
ډاکټر حسن روحاني په دغه تماس کې د تهران اوبرن ښې اړیکې تاریخي او ژورې بللي او ټينګار ئې کړی دی ، لازمه ده دغه ښې اړیکې د متقابلو لوړو ظرفیَتونو ته په پام سره لازیاتې اودګډو لارو چارو د نقشې په چوکاټ کې لاپراخې او ژورې شي .
د اسلامی ایران ولسمشر په دې په ټينګار سره چې د ګواښ ،دباؤ اوزور له لارې دمشکلاتو حل لټول ، د ایران د ولس په وړاندې یقینا یوه ماته خوړلي چاره ده ، وئيلي دي ، یوازې په متقابل احترام او عقلانیّت مشتملو لارو چارو سره پر مشکلاتو برلاسه کیدلی شي .
ډاکټر روحاني ددې خبرې په کولو سره چې د جامعې نړیوالې ایټمي موافقې په وړاندې د تهران سټراټژي په بشپړ ډول مشخصه ده روښانه کړې ،دامریکا له خوا دبندیزونو یوازې پر کاغذپه ختمولوسره نه ،بلکې په عملي لغوه کولو سره به هغو ژمنو ته د مونږ بیرته ستنیدا له ځان سره ولري ، چې د جامعې نړیوالې ایتمي موافقې په اساس مو کمې کړي دي .
دسویس ولسمشر هم په دغه ټیلیفوني تماس کې په نړیوال ډګر کې اوسني شرائط دخپلو ژمنو دترسره کولو لپاره دجامعې نړیوالې ایټمي موافقې د درستو لورو دبیرته ستنیدا لپاره یو بیا ښه فرصت بللی او وئيلي ئې دي ،سویس تیار دی په دې باب بیا هلې ځلې وکړي . پارملین همداراز یمن ته دامنیت دبیرته ستنیدا او دسیمه ایزو ملګرتیاؤ پیاوړتیا اهمیّت ته په اشارې سره وئيلي دي ، ایران هغه اغیزشیندونکي رول ته په پام سره چې په سیمې کې ئې لري ، د اروپائي اتحادئې پشمول له نورو هیوادونو سره په مرستې سره یمن ته بیرته آرامښت ستنولی شي .
