د پاکستان سمندري بېړيو په بندرعباس کښې لنګر واچوۀ
د پاکستاني سمندري بېړيو ډله چې په دوو بېړيو مشتمله ده د ايران په بندرعباس او سمندري ځواک په وړومبۍ امامت سيمه کښې لنګر واچوۀ.
د ايران پرېس د رپوټ له مخې دغه بېړۍ د پاکستان د سمندري دود مطابق او د تهران او اسلام آباد ترمېنځ د دوه اړخيزو او دوستانه تعلاقو د لا زيات پياوړتيا په غرض له نن څخه تر دريو ورځو پورې به په بندرعباس کښې شتون ولري.
د بندرعباس په سواحلو کښې له اودرېدو وروسته پاکستاني سمندري بېړيو د قوماندانانو او کارکونکو ايراني همسنګو د هغوي هرکلے وکړ.
د ايران د اسلامي جمهوريت د فوځ د سمندري ځواک د امامت د وړومبنۍ سيمې د درستيزوالۍ مشر وړومبے کپتان رضا شېباني وويل، د پاکستان د سمندري بېړيو ډله هر کال بندر عباس ته راځي چې تېر کال د کورونا وائرسو د خپرېدو له کبله دغه کار اونه شو.
شيباني زياته کړه، د ايران له زمکني او سمندري ځواکونو له قوماندانانو سره ليدل کتل او د دوو اړخيزو تعلقاتو په اړه خبرې اترې د دغه پاکستاني پلاوي له ډېرو مهمو پروګرامونو څخه دي.
