د ایران د بهرنیو چارو وزیر:
په سیمه کې د عراق له رول لوبونې څخه هرکلی کوو
Apr 27, 2021 12:06 Asia/Kabul
د ایران د بهرنیو چارو وزیر د عراق له چارواکو سره خپل لیدو ته په اشارې سره وویل: موږ په سیمه کې د عراق له رول لوبونې څخه هرکلی کوو.
محمد جواد ظریف د سې شنبې په ورځ په خپل ټوییټر کې ولیکل: د عراق له ولسمشر برهم صالح، لومړي وزیر مصطفی الکاظمي، د پارلمان مشر محمد الحلبوسي، د بهرنیو چارو وزیر فواد حسین او د اهل سنت او اهل تشیع د سیاسي جریانونو له مشرانو سره په لوړه سویه خبرې اترې ایران لپاره په لومړیتوب کې دي.
د ایران د بهرنیو چارو وزیر زیاته کړه: موږ له دې څخه چي عراق د سیمي په بدلونونو کې اساسي رول ولوبوي هرکلی کوو.
ظریف وویل: له نورو عراقي چارواکو او سیاسي مشرانو سره به هم وګورو.
ټیګونه
