په ویانا کې د روسیې، چین او ایران درې اړخیزه ناسته

په ویانا کې د روسیې، چین او د ایران د استازو تر مینځ درې اړخیزه غونډه وشوه.

په ویانا کې د برجام د ګډي کمېټې د غونډو له پیلېدو سره سم، د ایران د استازولی په مرکز کې د چین، روسیې او د ایران د مذاکرچي پلاوو تر مینځ خبري اترې وشوې.

په دغه غونډه کې دریو لورو برجام ته د امریکې د بیرته استنېدو او په ایران باندې د لګول شویو بندیزونو د ختمېدو په اړه خبري اترې وکړې او ټینګار یې وکړ چي امریکا باید ټول یو اړخیز بندیزونه لیري کړي.

د درو واړو هیوادونو استازو د خبرو اترو په دوام ټینګار وکړ.

د برجام د ګډي کمیټې غونډه د ایران، جرمني، فرانسې، برتانیې، روسیې او چین د استازو په ګډون سره تر سره شوه.