په کراچۍ کې دایرانیانو په شتون سره تجارتی نندارتون جوړیږي
د پاکستان د سوداګرۍ د چارو دریم نړیوال نندارتون د ایران د اسلامی جمهوریت د اتو شرکتونو په شتون سره سبا د پاکستان داقتصاد دزړه په توګه په کراچۍ ښار کې ترسره کیږي .
د ایران او پاکستان دغه نندارتون ، ددواړو هیوادونو ترمینځ دتجارت دزیاتولو لپاره یو ښه فرصت کیدلی شي .
ایرنا خبری آژانس راپور ورکړ دپاکستان په کراچۍ کې د ایران د اسلامی جمهوریت سرکنسول حسن نوریان نن په یولړ څرګندونو کې ووئيل په دغه درې ورخني نړیوال نندارتون کې چې تر یکشنبې ورځې پورې به دوام ولري ، ایراني شرکتونه،د خوراکي موادو،میټایانو،چاکلیټو،روغتیائي تجهیزات،او د کورونو لوازماتو په زمینې کې خپل محصولات نندارې ته وړانې کوی .
په کراچۍ کې د ایران سرکنسول زیاته کړې ، په لړم میاشت اویا اکتوبر کې د کراچۍ دماشین د آلاتو او تجهیزاتو په اولسم نندارتون کې د ایرانیو شرکتونو له اوڅاره شتون او د ایران دشرکتونو له سټالونو د تاودۀ هرکلی پسې ، په ختیځي ګاونډ کې په نورو نړیوالو پيښو کې د ایرانیو شرکتونو داستازو او شرکتونو بیا شتون به ، له ګاونډیانو سره د اقتصادي ملګرتیاؤ دپراختیا لپاره یو نوی ګام وي .
هغه همداراز په نندارتونونو کې دشتون لپار له اغیزشیندونکو فرصتونو څخه د استفادې او ایران او پاکستان ترمینځ داقتصادي او تجارتي فعالیتونو دپراختیا په چوکاټ کې د پاکستان په کراچۍ کې د ایران د سرکنسولګرۍ هلوځلو ته په اشارې سره ، هیله وښودله ، دپاکستان تجارتي نړیوال نندارتون ، دیوه بل له ظرفیّتنوو څخه ددواړو هیوادونو له استفادې سره مرسته کوي .
ایران او پاکستان د تجارتي مبادلاتو په زمینې کې دیوه بل بشپړونکي حسابیږي ، چې د شیانو د ټرانسپورټ د محصولاتو د وړو راوړو ، دټرفونو دکمولو او دسرحدي بازارچو د جوړولو پشمول دملګرتیاؤ په پراختیا سره د غه اړیکې لاپراخیدلی شي .
