په پاکستان کې د اوبو کمښت او وچکالۍ خطره په رابرسیره کیداده
په کرهڼيزې برخې کې د اوبو کمښت،په پاکستان کې د خوراکي امنیت او د کارکسب چارو ته دروند تاوان رسولی شي،ځکه چې د پاکستان څه دپاسه شپیته فیصدي کاروبار په کرهڼیزې برخې کې دی.
زمونږخبریال له اسلام اباده راپور راکړ،پاکستان چې په یوه وخت کې له ډيرو آبی سرچینو برخمن ؤ ، اوس د وخت او آب وهوا په بدلیدا او د مصرف د اندازې په ډيرې زیاتیدا سره د وچکاکلۍ او د اوبو دکمښت له مشکل سره مخامخ شوی دی.
په وروستیوحالاتو کې د آب وهوا او موسم له بدلیدا سره په یووخت د اوبو بحران زیاتیدا سبب شوې ده،ددغه هیواد د څه دپاسه دوه سوه شل میلیوني آبادۍ څخه څه دپاسه دیرش فیصدي آبادي د څښاک اوبو ته له لاس رسي محرومه ده.
په راپور کې وئيل شوي دي،په کرهڼيزې برخې کې د اوبو کمښت،په پاکستان کې د خوراکي امنیت او د کارکسب چارو ته دروند تاوان رسولی شي،ځکه چې د پاکستان څه دپاسه شپیته فیصدي کاروبار په کرهڼیزې برخې کې دی.
داپه داسې حال کې دي چې د ورښتونو دکمښت او وروستیووچکالیو ترڅنګ، د اوبو د زیرمه کولو د ډيمونو نه شتون، په پاکستان کې د اوبو دبحران نور دلیلونه دي.
په وروستیو دوو لسیزو کې د پاکستان دترټولو سترې او خورې ورې صوبې په توګه په بلوچستان کې د اوبو او وچکالۍ بحران د دوړو او ګردونو د مشکل له رامیځةکولو سره په یووخت،ددغې سیمې د زرګونو مالونو د له مینځه تلو سبب هم شوی دی.
