په پاکستان کښې په مظاهرو بندیز لګیدلی
زمونږ خبریال وايي د پاکستان امنیتي ادارې تر دوو میاشتو پورې په پلازمینې اسلام اباد کښې د مظاهرو په ترسره کولو بندیز ولګاوه.
د پاکستان څنګ ته کړی شوی لومړی وزیر او د تحریک انصاف مشر عمران خان له واک څخه لیرې کولو وروسته تراوسه د حکومت پرضد د مظاهرو د لړۍ په مشرۍ کولو سره د وارمخکې انتخاباتو د ترسره کولو غوښتنه کوي.
ډان ورځپاڼې پرون د خبرو سرچینو په قول وویل د اسلام اباد چارواکو په پلازمینې اسلام اباد کښې د تحریک انصاف ګوند د ملاتړو د اعتراضیه لاریون په درشل کښې د یوسل څلورڅلویښتمې مادې پراساس تر دوو میاشتو پورې د غونډو په ترسره کولو د بندیز غوښتنه کړي ده.
د اسلام اباد چارواکو او پولیسو د یوسل څلورڅلویښتمې مادې په اعلانولو سره وویل د غونډو یا لاریونونو د ترسره کولو لپاره د پینځو یا له پینځو د زیاتو کسانو په راغونډیدا بندیز دی.
د پاکستان د تحریک انصاف یوه مشر سناتور فیصل جاوید خان په تیرې چهارشنبې ورځ وویل د دغه ګوند مشر عمران خان ټاکل شوي ده چې نن د نوامبر په شپږویشتمه نیټه د پاکستان په تاریخ کښې د تر ټولو سترې اعتراضیه غونډې مشرۍ وکړي.
هغه وویل د پاکستان د خلکو غوښتنه د وارمخکې انتخاباتو ترسره کول دي چې هیواد له اوسنیو مشکلاتو وژغوري.
