د پاکستان د بهرنیو چارو وزارت مرستیاله به ډېرژرافغانستان ته سفر وکړي

کابل ته د مېرمن کهر د سفر موخه په افغانستان کې د ناوړه بشري وضعیت څېړل دي.

ځینو رسنیو خبر ورکړی، چې د پاکستان د بهرنیو چارو وزارت مرستیاله حنا رباني کهر به ډېر ژر افغانستان ته سفر وکړي.

افغان غږ خبری آژانس د رسنیو  له قوله راپور ورکړی چې د پاکستان د بهرنیو چارو وزارت مرستیاله حنا رباني کهر به ډېر ژر افغانستان ته په یوه رسمي سفر راشي.

کابل ته د مېرمن کهر د سفر موخه په افغانستان کې د ناوړه بشري وضعیت څېړل دي.

افغانستان ته د هغه د سفر کره وخت لا نه دی ټاکل شوی.

دا سفر په داسې حال کې ترسره کېږي چې مېرمن کهر تر دې مخکې د افغانستان د بهرنیو اسعارو د زېرمو د خلاصون غوښتنه کړې وه.

هغه وویل، د افغانستان د کنګل شویو پیسو خلاصېدل د هېواد اقتصاد ښه ساتلی شي او د بشري ناورین وضعیت ښه کولی شي.