تحریکِ انصاف د شهباز شریف حکومت ته الټي میټم ورکړ
د عمران خان په مشرۍ د پاکستان تحریک انصاف ګوند ویلي چې که حکومت د دسمبر تر شلمې نیټې د فوري انتخاباتو نیټه ونه ټاکي نو د پنجاب او خیبر پښتنونخوا صوبايي اسمبلۍ به ماتې کړي
د عمران خان په مشرۍ د پاکستان تحریک انصاف ګوند ویلي چې که حکومت د دسمبر تر شلمې نیټې د فوري انتخاباتو نیټه ونه ټاکي نو د پنجاب او خیبر پښتنونخوا صوبايي اسمبلۍ به ماتې کړي
د پاکستان ډان نیوز ویب سایټ خبر ورکړی چې د دغه هیواد د پخواني وزیراعظم عمران خان په مشري تحریکِ انصاف ګوند چې له دې مخکښې یې زرترزره انتخاباتو کولو ته د اسلام آباد د حکومت د مجبورولو لپاره د پراخو مظاهرو په شمول مختلفې لارې چارې آزمایلې دي، دا ځل نیت لري چې په حکومت باندې د دباؤ لپاره د پنجاب او خیبرپښتونخوا د صوبايي اسمبلیو له منحلولو کار واخلي.
د تحریکِ انصاف یو جګ پوړي مشر فواد چودري د دغه ګوند له ګڼو پارلیماني غونډو وروسته وویل: که چیرې د پاکستان ائتلافي حکومت PDM) د روانې دسمبر میاشتې تر شلمې نیټه سراسري انتخابات اعلان نه کړي نو دغه ګوند به د پنجاب او خیبرپښتونخوا صوبې پارلیمانونه منحل کړي.
