پاکستان په اسلام اباد کې د افغان سفارت سرپرست راوغوښته
د دغې احضاریې پر وخت پاکستاني چارواکو طالب استازي ته د وروستیو نښتو له امله سخت اعتراض کړی او دغه نښتې ېې په سختو ټکیو غندلي دي.
د پاکستان د بهرنيو چارو وزارت په سپین بولدک -چمن کې د طالبانو او پاکستاني ځواکونو د نښتو د دوام په غبرګون کې په اسلام اباد کې د افغانستان د سفارت لپاره د طالبانو سرپرست او شارژدافیر سردار احمد شکېب احضار کړی.
د پاکستاني رسنيو د راپور له مخې، د دغې احضاریې پر وخت پاکستاني چارواکو طالب استازي ته د وروستیو نښتو له امله سخت اعتراض کړی او دغه نښتې ېې په سختو ټکیو غندلي دي.
د طالبانو ویاند ذبیح ا... مجاهد پاکستاني لوری د دغو نښتو رامنځته کوونکی او هڅونکی بللی و.ده همداراز ویلی دی په خبرو اترو سره دغه مسله اواریدلې شی .
د تیر اتبار په ورځ هم طالبانو د پاکستان په ملکیانو په ډزو کې اوه کسان مړه او کابو دیرش نور هم ټپیانکړی وو.
